Noodsaaklike Elemente in 'n Bybelse Filosofie (beskouing) van Geskiedenis

[Hierdie blogplasing gaan voort met 'n vertaling van Renald Showers se boek, There Really Is A Difference. The Friends of Israel Gospel Ministry, Inc. 1990]

Met verloop van tyd, het Bybelkenners probeer om verskillende uiteensettings van die Bybel se filosofie van die geskiedenis te ontwikkel. Vir so ‘n uiteensetting om geldig te wees, moet dit sekere noodsaaklike elemente bevat. Eerstens, moet dit 'n uiteindelike doel of doelwit bevat vir dit waarheen die geskiedenis tot en met die vervulling daarvan beweeg. Tweedens, moet dit die onderskeid wat die geskiedenis maak erken. Die Bybelse rekord van die geskiedenis tref self ‘n onderskeid tussen die dinge wat in die verloop van die geskiedenis verskil het. Met die eerste oogopslag, blyk sommige van hierdie skynbaar teenstrydige wees. Jesus het byvoorbeeld twee afsonderlike Evangelies aan sy dissipels verkondig.  Die inhoud van die EERSTE evangelie was, "Die koninkryk van die hemele is naby "(Matt. 10:7; Verw. 9:35;. Mark. 1:14-15). Paulus, in 1 Kor. 15:1-5, omskryf die TWEEDE evangelie toe hy gesê het: "Broeders, ek maak julle die evangelie bekend wat ek aan julle verkondig het, wat julle ook aangeneem het, waarin julle ook staan,  (2)  waardeur julle ook gered word… dat Christus vir ons sondes gesterf het volgens die Skrifte; en dat Hy begrawe is, en dat Hy op die derde dag opgewek is volgens die Skrifte;" By nadere ondersoek, moet ons erken dat die inhoud van Jesus en Paulus se Evangelies duidelik verskil. As Paulus self verklaar het dat niemand ‘n ander evangelie moet verkondig nie, hoe verklaar ons die verskil?